Yazar : Fevziye Beyremova / Tarih : 2008-07-31 20:40
Yorumlar : (0)
Ortalama : 0
http://www.mtss.ru/forum/viewtopic.php?t=2746

Qazannï saklauçïlarga jaki jök taşuçïga häjkäl?



Soñgï vakïtta matbugatta jök taşuçï Äsgat’ Galimcanovka Qazannïñ Meñ’ellïk mäjdanïnda häjkäl kujarga cïenularï turïnda xäbär taraldï. Bulaçak häjkälneñ kompozitsijase tübändägedän gïjbarät – cide metr bieklektäge cigüle at, at arbasïna jalanajaklï balalar töjalgän, at başïnnan isä Äsgat’ Galimcanov totkan. Äsgat’ Galimcanov – kolxoz bazarïnda azïk-tölek kaldïklarï cïep, abzarïnda duñgïz häm tana asrap, şunïñ akçasïna jatim balalarga jardäm kürsätkän keşe.

Ul bu ěşne häjkäl öçen ěşlägänme, Allah rizalïgï öçen başkarganmï, duñgïz kebek xäram malnïñ xäjrijase kabul bulamï – anïsïn äjtä almïjm, ämma Äsgat’ Galimcanovnïñ häjkäle Meñ’ellïk mäjdanïnda urïn alïrga tieş tügel – anïsïn özderep äjtäm. Çönki inde menä niçä ellar tatar zïjalïlarï Kolşärif mäçete astïndagï Meñ’ellïk mäjdanïnda 1552 elnï Qazannï saklap şähit kitkän babalarïbïzga häjkäl-kompleks kujunï taläp itälär. Bu xakta kisätkän xäter taşï menä niçä ellar inde Kreml’ astïnda müklänep jata, ä Äsgat’ Galimcanovnïñ biş tonnalï häjkäle inde ěşlänep betkän dijarlek, 30 avgustta anï biregä kiterep kujarga da mömkinnär.

Xäzer isä, tatar millätçeläre kulïnnan Qazannï saklauçïlarga häjkäl kujdïru idejasen tartïp alu öçen, menä şuşï Äsgat’ Galimcanov variantïn ujlap tapkannnar. JAg˝ni, Qazan urtasïnda kaharman tatarlar obrazïn gäüdäländermäs öçen, jökçe tatar sïnïna tuktalïrga bulgannar. Min monï tatar xalkïnïñ tarixi xäteren mïskïllau, tatar kulï belän tatarnï juk itü, dip bäjalim. Ägär jökçe häm metsenat Äsgat’ Galimcanovka atï-nie belän häjkäl kujarga telilär ikän, änä ul ěşlägän kolxoz bazarïna kujsïnnar, ä Meñ’ellïk mäjdanï ul – millätneñ bäjsezlege öçen tatar kanï akkan cir, häm anda barï tik Xäter Häjkäle genä torïrga tieş!

Şunïsïn da äjtergä kiräk – Qazan Kremle astïna jök taşuçï tatarnïñ häjkälen kujdïru turïnda xalïk belän, tatar zïjalïlarï belän bernindi kiñäşü bulmadï, bu xakta referendum ütkärelmäde. Bu Meñ’ellïk mäjdanïn şärä kontsertlar belän äle zina kïrïna äjländerälär, äle tatarnïñ ruxïn tübänäjtä torgan häjkäl idejaläre belän çïgalar. Mäskäüdä dvornik tatarga häjkäl kuelgan ide bugaj inde, xäzer Qazannïñ bägïrenä- Kreml’ janïna jök taşuçï tatarga häjkäl kujarga cïenalar. JAnäse, belep torïgïz tatarlar üzegezneñ kemlegegezne, sez tarixka barï tik uram seberüçe häm jök taşuçï bulïp kïna kerep kalaçaksïz!

Min tatar milli oeşmalarïn, tatar zïjalïlarïn monïñ belän kileşmäskä, Qazannïñ Meñ’ellïk mäjdanïna Xäter tarixi kompleksnïnnan tïş, bernindi häjkäl kujdïrmaska çakïram. Äsgat’ aga Galimcanov monï üze dä añlar, Kolşärif mäçete janïnda şähit kitkän kaharman tatarlarnïñ izge urïnïn almas, Meñ’ellïk mäjdanïnda üzenä häjkäl kujdïru idejasennän baş tartïr, dip ömetlänäm.



Fäüzija Bäjrämova,,
jazuçï, tarix fännäre kandidatï,
“Ittifak” tatar milli bäjsezlek partijase räise.
Bötendön’ja tatar kongressïnïñ başkarma komitetï äg˝zasï.

2008 el, 28 ijul’